nazf's profileيا هلا باللي لفى أنفاس ...PhotosBlogListsMore  |  Tools Help |
|
|
الحبيب المسافر
لا تودّعني حبيبي ما أطيق نار الوداع
لو خفيت بالقلب جرحي تفضح احزاني الدموع
خفـقـتي ماهي سليمه بين نزله وإرتفاع
حاسس إن القلب يرجف تحت رايـــات الخضوع
لا تلوّح لي بيّدك مـا قويت أرفـع ذراع
أشعر إن حاجه تِكَسّر فيني ما بين الضلـــوع
آه من قسوتها لحظه وإنتْ تغادر هـ البقاع
كنّها روحي تناسل من جســــــدها للطلوع
مزّقت قلبي حواجز واقفه مثل القلاع
فرّقت بيني وبينك وابتدى وقت الهلــــــوع
يـــا ترى وينك حبيبي ذاب جفني إلتياع
كلما جففت دمعـه سالت العبرات جُـمـــوع
يا ضناي مــا لليالي في غيابك من متاع
والآسى راســـم عليها غصن ماله أي فـــــروع
لا تقول إن الليالي مــا بها من إتسـاع
والزمن يجري بسرعه لين يجي يـــــــوم الرجوع
في غيابك يا حبيبي كل أوقاتي صِـراع
احسب اللحظه دقيقه والدقيقه همـّ اسـبـوع
روح عسى ربي يصونك من متاهات الضياع
يحفظك من كل حاجه حتى من همس الشموع
عزوتك زورق سلامه وين ما تنصب شراع
في سبيل الـعلـم أصّبر دام قلبك بــه قنـوع
Comments (4)
TrackbacksWeblogs that reference this entry
|
|
|
